fjsdiofjsdæfjdsofjfiosfio

Hafa tveir einstaklingar ekki getað haldið áfram daglegri vinnu sinni sökum löngunar til að tala við sambýlingana og hafa því nýtt sér tilkomu hins nýja tækjabúnaðar á heimilinu sem greint var frá fyrir stuttu. Það kemur ekki á óvart að báðir þessir einstaklingar eru foreldrar sambýlinganna. Þó ekki sameiginlegir foreldrar því það væri skrítið. Eftir smávegis vandræði og konu sem talar frönsku í belg og biðu komust þau að því að ef hringt er frá öðru landi en stórveldinu skal 0-inu sleppt í upphafi númers, það er að segja stimpla skal inn 4-9961-0395. Ef þú ert hinsvegar óvænt staddur/stödd á aðalbrautarstöðinni í Montpellier og vilt að við komum og sækjum þig skal stimplað 04-9961-0395

hummmmm

Fór í yoga í morgun og því hefur Finnur fengið nýtt nafn og heitir hann Hundur framvegis. Það var kveikt á reykkelsi, við sátum í lotusstellingu og meira að seja hummmmmuðum. Ég var mjög sátt og er allt orðið samt aftur.

allt samkvæmt áætlun

Sporvagnakerfið okkar er rekið af einkafyrirtæki og því ekki í verkefalli svo þið getið hætt að hafa áhyggjur, ég kemst í frönskutíma í kvöld!

brrrrrr

Hvílík og önnur eins vonbrigði, meiri en orð fá lýst, mun seint bera þess bætur! nei, ekki það að Frakkar hafi tapað fyrir Englendingum í undanúrslitum HM í Rugby á laugardaginn heldur að "heitupottarnir" í olympíusundlaug borgarinnar eru kaldari en barnalaugin í Vesturbæjarlauginni.

24/7

Já alltaf batnar það, eru sambýlingarnir nú orðnir tengdir við umheiminn 24 tíma sólarhringsins heima og að heiman. Fjárfestum í þessum líka fína heimasíma áðan sem er fínasta viðbót við annars fremur tilkomulítið stofustáss sem fyrir er. Ef þú lesendi góður fyllist óstjórnlegri og óviðráðanlegri löngun til að tala við okkur sambýlingana, svo sterkri löngun að hún kemur í veg fyrir að þú getir haldið áfram þínu daglega amstir eða að þú getið sofnað á kvöldin, nú þá er bara að taka upp símtólið og stimpla inn 0033-0499-61-0395 og við munum svara jafnt að degi sem og nóttu og ef við svörum ekki þá er bara að hringja í neyðarnúmerið 0033-0621-7063-76. Nú ef þetta símtal svalar ekki þörf þinni lesandi góður, þörf þinni fyrir að heyra í sambýlingunum nú þá getirðu bætt um betur og fundið þá á þar til gerðum netsíma eða skype eins og það heitir á góðri íslensku og skráð þar inn "hildurbjorgvinsdottir" og muntu þá fá sambýlingana í allri sinni dýrð og ljóma upp á tölvusjáinn hjá þér. Ef þetta hinsvegar svalar enn ekki þörf þinni og þú ert enn andvaka þá kvet ég þig eindregið til að fara á Icelandexpress.is eða icelandair.is og kaupa þér eitt stykki flugmiða til Parísar (eða til London og Ryanair frá London) og við hér á 5, rue du Chapeau Rouge munum ávalt taka vel á móti þér með brenndum grjónagraut og rauðvínsglögg.
Lifið heil

do you know the sugarcubes?

Smá áminning til ykkar þarna úti ef þið skilduð vera búin að gleyma. Aldrei gefa símanúmerið ykkar til franskra karlmanna sem eru ljósmyndarar frá Nice og eru í 3 vikna vinnuferð í Montpellier, sérstaklega ekki ef þeir biðja ykkur um að skrifa fyrir sig bréf til íslenskrar vinkonu sinnar sem heitir allt öðru en íslensku nafni. Ef hann segist elska Björk og Sykurmolana þá látið sem þið kannist ekki við þá og munið að segja að sjórinn og fjöllin heilla ykkur ekki því annars gæti hann reynt að fá ykkur í heimsókn í húsið sem hann á, við sjóinn og fjöllinn, rétt fyrir utan Montpellier. Ætlið þið að muna það og aldrei gleyma því!

borgarrugby

Vil óska Reykvíkingum og reyndar Íslendingum öllum til hamingju með nýja borgarstjórann. Fyrir utan að vera sá fallegasti borgarstjóri sem sögur fara af þá hef ég fulla trú á að maðurinn sé bæði skynsamur og klár og muni gera góða hluti fyrir landsmenn í framtíðinni.

Það er undanúrslitaleikur í HM í rugby í kvöld, Frakkland-England, finn hvernig jörðin titrar undan fótum mér af spenningi heimamanna. Er enn ekki farin að skilja reglurnar og gæti ekki verið meira sama hver vinnur en það væri þó gaman að sjá stemninguna ef Frakkar komast í úrslit...tala nú ekki um ef þeir verða heimsmeistarar.

stolt, þrjóska eða jafnvel vottur af heimsku?

Ég vil meina að munurinn á stolti og þrjósku sé oft ansi loðinn. Stolt getur verið jákvætt sé því beitt á skynsaman hátt og í hófi en stolt í óhófi getur mjög auðveldlega orðið að þrjósku og gleymist þá oft hvaðan stoltið kom upphaflega og fer að snúast upp í andhverfu sína. Þannig er mjög merkilegt að tala við suma Frakka sem vilja meina að almennt enskukunnáttuleysi meðal þjóðarinnar sé engöngu stolt, stolt yfir tungumáli, sögu og menningu þjóðarinnar. Ég vil meina að stór og valdamikil þjóð sem neitar að læra ensku vegna stolts sé þrjóskari en heilt nautabú og að það muni bara koma þeim um koll að lokum.

Einnig kemur það landanum hér á óvart að ég skuli vera orðin 24 ára gömul og enn í BA-námi því jafnvel þótt Íslendingar byrji tveimur árum seinna í háskóla en aðrar þjóðir í heiminum þá ætti ég samkvæmt því að vera búin með BA og byrjuð á mínu fyrsta ári í mastersnámi. Hér þekkist það ekki að taka sér frí frá námi til að vinna eða ferðast, ekki til, heldur er öll skólagangan eins og hún leggur sig, tekinn complet á einum bretti svo hægt sé að hefja starfsframann og loksins þegar það allt saman er komið þá er hægt að fara að íhuga það að stofna fjölskyldu, festa kaup á íbúð og jafnvel drita niður nokkrum börnum.

ekkert verður samt á ný

Hef lifað í blekkingu allt mitt líf. Hef alltaf haldið að yoga væri lótusstelling, reykkelsi og kyrjun. Ef ég kemst fram úr rúminu á morgun ætla ég að mæta í prufutíma í pilates gym, er það ekki örugglega tedrykkja og rommíspil?

plebbaskapur í ofurhæðum

Sænsku kjötbollurnar búnar! Þvílík og hvílík vonbrigði! Fórum í vettvangsferð í stóru gulu búðina í gær (hafði ekki hætt mér inn í slíka verslun síðan ég lék Línu Langsokkur í fjóra daga við opnun einnar slíkrar fyrir ári síðan) og gerðumst ofur-súper-plebbar og fengum okkur að borða á restaurant IKEA. Einhvernveginn varð að bæta fyrir kjötbolluleysið og taka plebbaskapinn í hæstu hæðir og varð niðurstaðan brownie, kaffi og bjór. Sátum þar í góðan klukkutíma og ræddum heimsmálin.

Ef eitthvert ykkar hefur einhverntíman efast um notagildi og nauðsyn uppþvottagrindar þá get ég fullyrt að síðan ég eignaðist svoleiðis, fyrir sólarhring síðan þá hefur líf mitt verið eintómur dans á rósum.

gott að það sé einhver sem skilur mann

Vil þakka Sölku vinkonu minni og næstum því mágkonu þar sem hún er systir sambýlismanns míns fyrir andlegan stuðning í gegnum heimsnetið. Jafnvel þó ég hafi aldrei séð six feet under þá get ég séð hvar við höfum átt við sama vandamál að stríða og er gott til þess að vita að ég sé ekki sú eina sem hef lent í þessu og að ástandið eigi að öllum líkindum eftir að batna. Kannski ég reyni að finna six feet undir og gráti í svona þrjá sólarhringa, kannski eignast ég þá vini.
Takk Salka:0)

Var að skella inn örfáum myndum

eyddu í sparnað, eyddu í kjóla

Ég myndi kalla það sparnað að kaupa tvo kjóla á 18evrur

hrærið síðan saman fjórum tilviljunum og dash af örlögum saman í skál...

...ef þið eruð að velta fyrir ykkur hvernig ég lenti í þessari svakalegu íbúð í gærkvöldi þá er ég sjálf ennþá að reyna að komast að einhverri niðurstöðu. Skulum bara segja að röð tilviljanna og dash af örlögum hafi leitt mig þangað.

stundum...

Í gærkvöldi kl.20:10 var ég ein að rölta um götur Montpellierborgar, ekki viss hvor ég ætti að fara ein í bíó í fyrsta sinn á ævinni, fara heim að hanga á netinu eða hella mig fulla á næsta bar sem ég rambaði á. Í gærkvöldi kl.21 var ég stödd í risastórri íbúð með svalir yfir stærsta torg borgarinnar, Place de la Comedie, þar sem saman voru komnir um það bil allir íbúar borgarinnar að horfa á átta liða úrslitaleik í rugby, Frakkland-Nýja Sjáldand. Meðal þess sem var í íbúðinni var bar, slatti af fólki frá Frakklandi, Ítalíu og fleiri löndum og á einhverjun tímapunkti kona með videovél frá franska ríkissjónvarpinu. Að sjá ofan frá mörg hundruð manns fagna sigri...

ítalskir karlmenn elska mömmu sína

Eitt lítið, tvö stór, þrjú stór moskótóbit. Fjögur stór, fimm stór, sex stór moskítóbit, sjö stór, átta stór...

Frönskukennari við ítalska stúlku sem virstist annars hugar og frekar leið:
Ertu að hugsa um kærasta þinn sem er á Ítalíu?
Ítölsk stúlka: já
Frönskukennari: iss hættu að hugsa um hann, hann mun hvort eð er búa hjá mömmu sinni til fertugt. Farðu frekar út og finndu þér nýjan, hér Í Montpellier er fullt af fallegum karlmönnum. Findu þér nú bara nýjan og kysstu hann í kaf, ég skal lofa að segja engum.
Ítölsk stúlka: ha, neinei.

Hópur níu var það heillinn, hópur níu af þrettán og það mun þá vera fjórði besti hópurinn af alls þrettán hópum ekki satt? Ef ég bara hefði verið duglegri að læra heima á mínum menntaskólaárum, þá hefði ég kannski getað lent í besta hópnum. En ég var ekki dugleg að læra heima.

það var æðislegt í frönsku og hef ég fulla trú á að þessir tímar munu koma mér vel áleiðis í þessu strögli mínu. ótrúlega ofvirkur kennari sem er búinn að kenna frönsku fyrir útlendinga í yfir 30 ár, fullt af spánverjum, slatti af ítölum, einn þjóðverji, einn íslengur og einn grikki.

Í morgun kl.10 var 22c og ekki ský á himni, er ekki örugglega 7.október hjá ykkur líka?