útboð

Óskað er eftir tilboði í eftirfarandi verk.

Verkið fellst í því að kenna undirritaðri að prjóna.

Verklýsing:
1.hluti - Kenna hverni fitja á upp prjóna. Þaðan verður farið yfir í að prjóna trefil í þremur litum, þarf hann að innihalda bæði slétt og brugðið.
2.hluti- kenna hvernig lesa á úr uppskriftum prjónablaða
3.hluti - kenna hvernig prjóna á vettlinga og sokka með öllu því sem fylgir, þumli, hæl og stroffi
4.hluti- kenna hvernig breyta á prjónauppskriftum í blöðum, þ.e. stærðum og hlutföllum
5.hluti-kenna hvernig prjóna á peysu í fullorðinsstærð. Þarf peysan að vera í amk tveimur litum.

Tími verkefnis:
Áætlað er að hefja verkefnið um miðjan júní eða eigi síðar en í byrjun júlí eftir samkomulagi. verklok eru áætluð í lok ágúst en búast má við að þau dragist þó eitthvað fram á haustið og verður greitt samkvæmt því.

Skilyrði:
Umsækjendur þurfa að hafa talsverða reynslu af prjónaskap og geta uppfyllt öll atriði í verklýsingu. Algjört skilyrði er að umsækjandi hafi mjög mikla þolinmæði, meiri en gengur og gerist þar sem verkefnið er talið mjög krefjandi í alla staði. Æskilegt er að viðkomandi drekki kaffi eða amk te og finnist súkkulaði gott.

Kostnaðaráætlun:
Borgað er samkvæmt taxta faxaskjóls group (sjá neðar)

umsóknir skulu berast á þessa síðu eigi síðar en 23.5.2008

Hildur Björgvinsdóttir

Samkvæmt leglu nr.2 hjá Faxaskjóli group eru verkefni sem unnin eru að kvöldlagi eða um helgar greidd í ótakmörkuðu magni kaffis, te, súkkulaði, poppkorns, hneta, þurrkaðra ávaxta og osta. Laun eru greidd á meðan á hverri vakt stendur.
Uppsöfnuð yfirvinna greiðist eftir samkomulagi í formi matarboða og rauðvínsdrykkju

Athugasemdir

[Krissa (IP-tala skráð) 9.5.2008 kl. 14:31]

Ég er nú ekki að segja að ég sé að bjóða sjálfa mig fram í þetta verkefni enda er kunnátta mín í prjónaskap afskaplega takmarkaður og þolinmælin heldur minni. EN... Ég er alveg viss um að hún móðir mín myndi ekki leiðast þetta, enda tók hún að sér núna á vormánuðum að kenna "stjúpdóttur sinni" að prjóna með árangri. En af skiljanlegum ástæðum hef ég ekki séð afraksturinn. Og þar sem að "stjúpdóttirin" er að fara nokkra vikna ferðalag í byrjun júní þá hefur líklegast lossnað pláss á prjónanámskeiði Ásdísar. Námskeiðið er haldið á kvöldin og um helgar að Nesbala 78.

[Guddulíus (IP-tala skráð) 9.5.2008 kl. 23:22]

Minns vill...ef minns verður ekki í einhverju helvítis leiklistarstússi í allt sumar...guð hjálpi mér. Ég hef 3 peysur á ferilskránni, 8 sjöl, 5 húfur, 4 pör leista og óteljandi vettlinga- og smokkapör. Nú þá eru töskur, sígarettu- sem og pennaveski ótalin og nokkrir tugir heklaðra dúlla, en það er önnur saga. Þú værir nú aldeilis í góðum höndum hjá mér...hehe...

[Tinna (IP-tala skráð) 11.5.2008 kl. 21:37]

Ég ætla ekki að bjóða mig fram se kennara á þessu námskeiði, en ef það vantar samnemanda þá er ég til valin í það :)