Marseille

Áttum ósköp ljúfa helgi í Marseille sem er um tveggja tíma akstur í austur átt héðan. Laugardagurinn var tekinn snemma og lékum við túrista dauðans með kort og myndavélar og þrömmuðum borgina upp í mitt í dásamlegu veðri. Vorum voða glöð þegar fimmfaldaafmælisteitinu sem okkur hafði verið boðið í um kvöldið var aflýst svo Finnur gat púzzlað og ég lesið Spirou teiknimyndasögur. í gær var svo farið út að borða með stórskiptinemafjölskyldu Finnst að tilefni afmæli hjónanna í seinustu viku og fékk ég um það bil bestu pönntuðu (heimatilbúnar eru í öðrum skala) pizzu sem ég hef smakkað, pesto-mozarella.
Áskotnaðist forlátur þrífótur mér til mikillar gleði og voru að því tilefni teknar aðeins 460 myndir á laugardag og sunnudag. mun ég setja inn sýniseintak við tækifæri.

Athugasemdir

[Heiðursmágkona (IP-tala skráð) 12.2.2008 kl. 12:32]

Ah, Marseille. Þegar ég heimsótti Finn árið 2003 var einmitt mikið púslað og mikið lesið af myndasögum, enda ein besta leiðin til að æfa sig að lesa á útlensku því maður hefur myndirnar sér til aðstoðar.

Mér finnst lýsingin á pizzunni sérdeilis áhugaverð. Pestó/mozzarella? Spurning um að prófa sig áfram næst þegar ég geri pizzu ... var þetta grænt eða rautt pestó?

[hildur Björgvinsdóttir (IP-tala skráð) 13.2.2008 kl. 08:24]

Heyrðu þetta var sem sagt smá pizzusósa, grænt pesto, mozzarellaostur og svo held ég að það hafi einnig verið svona basilicu/ólífuolíumauk ofan á...og þrjár ólífur. Þetta var alveg fáránlega góð pizza.

hvernig var kökuboðið?

[Salka (IP-tala skráð) 14.2.2008 kl. 01:11]

Mmmm ... hljómar vel.

Heyrðu, kökuboðið gekk bara svona tryllingslega vel. Hér var setið yfir pönnukökum og súkkulaðiköku til hálfeitt um nóttina. Var reyndar með brjálaðar harðsperrur í pönnukökuhandleggnum daginn eftir ...