hvað ætlar þú að verða þegar þú verður stór?

Spurning hvað muni nýtast best samhliða mannfræðinni svona ef ég held mig við fyrri plön um að bjarga heiminum í komandi framtíð:

kynjafræði
hagfræði
trúarbragðafræði
viðskiptafræði (með áherslu á stjórnun og stefnumótun)
stjórnmálafræði

Maður spyr sig

Athugasemdir

[Heiðursmágkonan (IP-tala skráð) 30.1.2008 kl. 20:01]

Sko. Ég myndi útiloka viðskiptafræðina strax; það er svo stór hluti af námi - sérstaklega þegar maður er kominn langt í námi - að vera í ákveðnum hóp og inspírerast af fólkinu í kringum sig, finna aðra sem hafa áhuga á því sama og maður sjálfur og geta jafnvel unnið með þeim í framtíðinni. Því miður held ég að svona 95% af fólki í viðskiptafræði sé ekki á alveg sömu buxunum og þú, og grunar að þú yrðir ekkert tryllingslega innblásin af slíku námi ...

 Hitt finnst mér allt geta nýst þér sérdeilis vel í alheimsbjörgunaraðgerðunum. Kannski bara spursmál hvaða vettvangur þér finnst mest spennandi. Praktískt séð vantar auðvitað alltaf fólk sem kann, ja, praktíska hluti (hagfræði í þessu samhengi), en samfélagstengdu fræðin eru kannski meira tengd því sem þú myndir vilja gera.

 Svo er alltaf hægt að gera eins og ég og fara bara í hvern masterinn á fætur öðrum ;-)

 Takk fyrir frábærar stundir í Montpellier, ég hugsa til ykkar með söknuði x