var ég að misskilja?

Kannski er ég bara svona ótrúlega mikill lúði og gammel en ég hef alltaf staðið í þeirri trú að matarinnkaup fjölskyldunnar sé hlutverk beggja foreldra, beggja kynja og bara allra einstaklinga heimilisins sem náð hafa tilsettum aldri. Hef alltaf verið frekar sátt við Hagkaup, dýrari en Bónus og Melabúðin, ódýrari en Nóatún og 10-11 en yfirleitt gott úrval og ferkst. Er þó ekki viss um að ég kæri mig um að versla mjög oft í búð sem hefur sérútbúið "karlahorn" sem sýnir enska boltann á flatskjá þar sem karlpeningurinn getur hangið á meðan konan þræðir rekka búðarinnar áður en þau fara heim þar sem hún eldar en hann sest niður með einn kaldann til að horfa á seinni hálfleik.

Athugasemdir

[Hneta Rós (IP-tala skráð) 4.12.2007 kl. 17:22]

Ég er alveg sammála. Að mínu mati er verið að setja samasem merki milli barna og fullorðinna karlmanna. Nú og ef það þarf endilega að vera til svona skúmaskot, því þá ekki að kalla það afþreyingarhorn fyrir fullorðna og bæði kynin!!! Og enn annað ef karlinn meikar ekki að taka ábyrgð á innkaupunum afhverju er hann þá ekki heima hjá sér og Hagkaup gæti frekar eitt peningunum sem flatskjárinn kostaði til þess að styðja við mikilvæg málefni.

Pirr, pirr.

[Salka (IP-tala skráð) 5.12.2007 kl. 01:06]

Nei, veistu ekki að það er konan sem er á bak við eldavélina, Hildur mín?!?!

[Tryggvi (IP-tala skráð) 7.12.2007 kl. 23:01]

Nei, þú ert ekki að misskilja. Því miður eru hinsvegar rosalega margir aðrir að misskilja.

[Tinna (IP-tala skráð) 8.12.2007 kl. 19:35]

Vér mótmælum!

[Finnur Guðmundarson Olguson (IP-tala skráð) 9.12.2007 kl. 01:02]

Haha, ég er alltaf að bíða eftir verulega erfiðri ruslpóstvörn, eins og hver er kvaðratrótin af pí í hundraðogtuttugasta veldi yfir fjórum. 56 auðvitað, en það vita það ekki allir. En, já, karlahornið. Piiiirrrrrrrrrrrrrrrrr. Það eru svona sexhundruðogtvær tegundir af fordómum í þessari vitleysu.

[Atli Sig (IP-tala skráð) 10.12.2007 kl. 01:15]

Haha þetta minnir mig á fóstbræðrasketsinn "Karlahornið" þar sem Jón Gnarr ræðir við dr. Humbevin Samberdrin og þeir komast að þeirri niðurstöðu að konur pissi með rassinum!