lok lok og læs

Ég geri mér fyllilega grein fyrir að Reykjavík er engin Montpellier eða Köben en fyrr má nú vera. Þetta væri frábært ef ég hefði allan heimsin tíma, þyrfti hvergi að mæta nokkurntíman, ekki sinna neinu, ætti hvorki fjölskyldu né vini og þætti ekkert skemmtilegra en að fara í bíó í Smáralind...þannig er málum bara ekki háttað. Í seinustu viku sótti ég fríkortið mitt í strætó, svo ótrúlega glöð og sátt við þetta fína framtak stjórnvalda. Þessi gleði entist þó ekki mjög lengi. Hvað með alla öryrkjana og gamla fólkið, afhverju á það ekki líka að fá frítt í strætó? Í gær var sunnudagur, það tók mig 80 mínútur að komast úr vesturbænum í Smárahverfið með stóra gula bílnum. Það var snjófok en ég ætti nú ekki að vera að kvarta, ferðalagið átti sér stað á milli 13 og 14:20 og ég gat séð númerið á strætóunum sem voru að koma þar sem það var ekki kolsvartamyrkur eins og þegar ég labbaði í vinnuna kl.9 í morgun.

þegar ég verð forseti verður Íslandi lokað okt-apr og allir íbúar sendir til hlýrri, bjartari og þurrari staða.

Athugasemdir

[Atli Sig (IP-tala skráð) 27.11.2007 kl. 02:00]

Ég bíð spenntur eftir að þú verðir forseti. Verður þá þjóðardrykkurinn rauðvín?

[sibba (IP-tala skráð) 27.11.2007 kl. 09:18]

hæhæ...það er hellingur að gera í skólanum en ég er laus t.d. á miðvikudagskvöld en svo er ég að fara til Boston...hvað hafa hinar sagt!