Ætli sloppar komist einhverntíman í tísku svona eins og kraftgallar og lopapeysur?

Segi svo að það hafi ekki verið skynsamlegt að taka náttsloppinn góða með, er strax farinn að sakna hans en ég ákvað að kasta af mér kjúklingaklæðunum í morgun og fara í siðsamlegan klæðnað fyrir hálffríska konuna. Er allavega nógu frísk til að hafa getað loksins náð að koma tengli yfir á vangaveltur sambýlismanns míns inn á þessa síðu mína og hvet ég ykkur eindregið til þess að kíkja þangað yfir, ekki svo langt að fara, þurfið ekki einu sinni að fara í jakka og getið verið á inniskónum. Þó svo mér líði kannski ekki eins og nýslegnum túskildingi þá ætla ég að láta mig hafa það að mæta í frönsku á eftir, hlakka nánast til eins og barn til jólanna. Stend í einhverskonar barnslægri trú um að þetta námskeið verði lykillinn að öllum mínum vandamálum hérna úti. Ummmm, kannski ekki mjög skynsamlegt en börn eru jú ekki alltaf mjög skynsöm er það?
Sýndist nágrannar mínir vera að borða hádegismat úti á svölum áðan, það er gott, þá verður súrefnissjokkið ekki eins mikið þegar ég hætti mér út úr holunni minni á eftir.

Athugasemdir

[Finnur (IP-tala skráð) 6.10.2007 kl. 10:31]

Hæ, ég sit á sófanum.

[Salka (IP-tala skráð) 7.10.2007 kl. 00:35]

Hér bíð ég ýkt spennt eftir að fá að vita hvernig var á námskeiðinu!

Svona í framhjáhlaupi vil ég geta þess að nú hef ég flutt nokkrum sinnum til mismunandi útlanda, og í hvert einasta sinn hafa fyrstu vikurnar verið frekar krappí. Fyrsta mánuðinn í Wales bjó ég með hörmulegum, drykkfelldum og sígrenjandi unglingum (tveir þeirra voru þar að auki hermenn!). Fyrsta mánuðinn í Glasgó bjó ég ein og þekkti ekki eina einustu manneskju í borginni svo ég horfði á Six Feet Under allan sólarhringinn og grét yfir örlögum persónanna eins og þær væru bestu vinir mínir. Þetta tekur bara tíma ... svo allt í einu er orðið gaman og maður áttar sig á því að maður er kominn með vinahóp, uppáhalds hangsistaði og indæla þægindatilfinningu. Þannig hefur það allavega alltaf verið hjá mér. Hlýtur að vera, því ég er enn í Glasgó ...